પનીર કેપ્સિકમ ડ્રાય
૧ - કપ પનીર ક્યુબ
૧ - કપ કેપ્સિકમ મરચા સમારેલા
૧ - નંગ ટામેટું
૧ - ટી સ્પુન આદું લસણ ની પેસ્ટ
૧/૨ - ટી સ્પૂન ધાણા પાવડર
૧/૨ - ટી સ્પૂન જીરૂ પાવડર
૧/૨ - ટી સ્પૂન ગરમ મસાલો
૧/૪ - ટી સ્પૂન કસૂરી મેથી.
૧ - ચપટી હળદર
૧ - ટેબલ સ્પૂન તેલ.
મીઠું સ્વાદનુસાર
લાલ મરચું અને કોથમીર સ્વાદનુસાર
સૌ પ્રથમ પનીર ના ક્યુબ ને ગરમ પાણીમાં પલાળીને એકબાજુ પર મૂકી રાખો. હવે એક પેન માં તેલ ગરમ કરો. તેલ ગરમ થાય ત્યાર બાદ તેમાં આદું-લસણ ની પેસ્ટ ને ઉમેરી ને થોડીક સેકન્ડ માટે રાખો.ત્યાર બાદ તેમાં કેપ્સિકમ ઉમેરીને બરાબર મિક્સ કરો. ત્યાર બાદ તેને એકાદ મિનીટ માટે સાંતળો. ત્યાર બાદ તેમાં ધાણા પાવડર,ગરમ મસાલો , જીરૂ પાવડર, અને હળદર ઉમેરીને બરાબર મિક્સ કરો. કેપ્સિકમ ચઢીને સોફ્ટ થઇ જાય ત્યાં સુધી ચઢવા દો. ત્યાર બાદ તેમાં ટામેટા સમારીને ઉમેરો. ટામેટા ચઢી જાય ત્યાર બાદ તેમાં પનીર ક્યુબ ને પાણીમાંથી નીતારીને શાકમાં મિક્સ કરો. અડધો મિનીટ ચઢવા દીધા બાદ. તેમાં મીઠું અને કસુરી મેથી ઉમીરીને મિક્સ કરી લો. એક થી બે મિનીટ ચઢવા દીધા બાદ કીથમીર થી સજાવટ કરીને ગરમા ગરમ સબ્જી સર્વ કરો....
