મેગી મસાલા ઢોસા
સામગ્રી
– ત્રણ કપ ચોખા
– બે કપ અડદની દાળ
– એક ટીસ્પૂન મેથી
– મીઠું સ્વાદ અનુસાર
સ્ટફિંગ માટે
– એક કપ ઝીણા સમારેલા ગાજર, વટાણા અને કેપ્સીકમ
– બે કપ બાફેલી મેગી
– ત્રણ ઝીણા સમારેલા મરચા
– એક ટીસ્પૂન હળદર
– ત્રણ ટીસ્પૂન બટર
– ચપટી હિંગ
– લીલા ધાણા
રીત
અડદની દાળ, મેથી અને ચોખાને સવારે જુદા-જુદા પાણીમાં પલાળી રાખવા. રાત્રે ચોખામાંથી પાણી નિતારી કરકરા વાટવા. દાળ અને મેથીમાંથી પાણી નિતારી ખુબ ઝીણી વાટવી. બંને વસ્તુ ભેગી કરી, તેમાં મીઠું નાખી, દસ-બાર કલાક આથી રાખવું. ગાજર અને વટાણા બાફી લેવા. એક કડાઈમાં બટર ગરમ કરી, તેમાં હિંગ, લીલા મરચા અને કેપ્સિકમ નાખી ૨-૩ મિનિટ સાંતળવા. પછી તેમાં વટાણા, ગાજર, હળદર અને મીઠું નાખી મિક્સ કરવું. ત્યારબાદ તેમાં મેગીનો મસાલો અને બાફેલી મેગી નાખી, મિક્સ કરી, થોડીવાર ગેસ પર રાખી ઉતારી લેવું. પછી તેમાં લીલા ધાણા નાખી, સ્ટફિંગ તૈયાર કરવું. હવે ખીરામાં જરૂર પ્રમાણે પાણી નાખી, થોડું પાતળું ખીરું બનાવવું. પછી નોનસ્ટિક તવા પર તેલ લગાડી, ચમચાથી ગોળ-ગોળ ફેરવીને ખીરું પાથરવું. આજુબાજુ ફરતું તેલ નાખવું અને ધીમા તાપે ઢોસાને શેકવો. ઢોસો શેકાઈ જાય એટલે તેની પર થોડો મેગીનો મસાલો અને બટર નાખી, આખા ઢોસા પર ફેલાવી, તેના ઉપર સ્ટફિંગ મૂકી, રોલ વાળવો. ગરમાગરમ ઢોસાને સાંભાર અને ચટણી સાથે પીરસવો.
Recipes By : Divya Bhaskar
No comments:
Post a Comment