‘કડાઇ પનીર’ ટેસ્ટમાં લાગે છે બહુ જ મસ્ત, બનાવો આ રીતે ઘરે........

‘કડાઇ પનીર’

સામગ્રી
2 ડુંગળી
5 ટામેટાં (મોટા હોય તો 3)
5-6 કાજુ અથવા 2 ચમચી મગજતરી
હળદર, લાલ મરચું અને મીઠું સ્વાદ મુજબ
નાનો ટુકડો આદુ
5-6 લસણની કળી
તેલ
1/2 ચમચી ગરમ મસાલો
1/2 ચમચી કસૂરી મેથી
200 ગ્રામ પનીર
1 ડુંગળી
1/4 લાલ, લીલું ને પીળું કેપ્સીકમ

ખડા મસાલા માટે
2 ચમચી આખા ધાણા
5-6 મરી
2 સુકા લાલ મરચા

બનાવવાની રીત
સૌ પ્રથમ ખડા મસાલાને ધીમા તાપે શેકી લઇ મિક્સરમાં ક્રશ કરી લેવા. કડાઇમાં 3 ચમચી તેલ મુકી આદુ-લસણ સાંતળીને તેમાં સમારેલી ડુંગળી 2 મિનિટ સાંતળો. પછી કાજુ અને સમારેલા ટમેટા નાંખી 3-4 મિનિટ થવા દો. હવે હળદર, મીઠું અને લાલ મરચું નાંખી હલાવી 1 મિનિટ પછી ગેસ બંધ કરો. ઠંડું પડે પછી મિક્સરમાં બરાબર ક્રશ કરી લો. હવે કડાઇમાં 3-4 ચમચી તેલ મુકી ગરમ થાય પછી ચોરસ કાપેલી ડુંગળી અને કેપ્સીકમ ઉમેરો.
2 મિનિટ થાય એટલે બનાવેલી ગ્રેવી નાંખી હલાવીને 2 મિનિટ થવા દો. ત્યારબાદ બનાવેલા ખડા મસાલા પાવડર નાખી મિક્સ કરી 2 કપ પાણી ઉમેરી ઢાંકીને 5 મિનિટ થવા દો. હવે પનીરના ચોરસ કટકા ઉમેરી તેમાં ગરમ મસાલો, કસૂરી મેથી નાંખી હલાવી ગેસ બંધ કરી દો. તો તૈયાર છે ‘કડાઇ પનીર’